مدوناتي... نوري لي حياتي : يومـ(yawmeyaat)ـيات أبـ((aboـو الهـ(alhsh)ـش

يومـ(yawmeyaat)ـيات أبـ((aboـو الهـ(alhsh)ـش

هاشم:اليوم الخميس وأنا صاحي مررة بدري....طفشت لوحد ماني داري أيش أسوي؟!... أنام ولا أتمشى!...في أي مطعم أروح أتعشى... ولا أجمع الشباب ونتكي في البيت... ولا أدق على البنت وأخذها من أحلى بيت.. أوووه نسيت أصلاً ماعندي خوية.... إللي كنت أعرفها إتفرقنا أنا هيا.. كفشتني وأنا متكي مع بنت خالتها... والمصيبة إنها كانت مع أخوا صاحبتها... جريت على طول... وإختفيت في لحظات..... ماني فاضي للمشاكل إللي من ورى البنات!... نصيحة ياشباب.... نصيحة من التفكير.. كل فطير وطير...ويصير إللي يصير..

نرجع للموضوع.... إش أسوي أنا اليوم...اليوم خميس وأنا مافي عيني نوم...طفشان في البيت ومزاجي معدوم...

فجأة وأنا قاعد أبكي على حالي جات الفكرة بسرعة في باللي... قلت أتصل على سعود... وأشكيلة عن الحال..مسكت الجوال بس لقية إستقبال!!... أرسلتة كول مي وكالعادة صفني!!... بسيطة ياسعود يجي يوم تحتاجن... لكن شكلي كنت غلطان!!.. لأني سامع صوت الجرس!!... وسعود عن الباب يقلي يلااا ألبس....

سعود: يلا ياأبو الهش... نبغى نروح ننبرش... سيبك من الطفش!.. طنش تعش تنتعش... أنا عارف إنك قاعد في البيت طفشان... والسيارة في الورشة وكمان طفران..... أنت أشر وأنا أقشر.. شبيك لبيك!.. قلي تبغى فين.. أختار وماعليك..

هاشم:وخرجنا من البيت... والبيت كان حار... وأنا عارفإنت تبى تعرف إيش صار!!ههه

الجو كان حار ...شئ طبيعي الدنيا صيف!.. والسيارة زي النار... شي بطال يالطيف!!...

سعود: المكيف خربان... شكة خلص الفريون...أفتح الشباك!... وأنا راح أمشي مليون... سيارتي سريعة!لاتخاف ياأبو الهش... مع السرعة راح يجي الهواء المنعش!!..

هاشم: ياسعود إنتبه!!.. ترى في لسرعة الندامة..

سعود: أقولك! لاتسويلي فيها الأمن والسلامة...

هاشم:وفعلاً مشينا بسرعة بالسيارة... يلعن أم الفلة كأني راكب في طيارة....

فجأة سمعنا صوت زي صوت الدورية... قلت أكيد! أنكفشنا!ماشين فوق المية!!...

العسكري:وقف على جنب لأنك قاطع الإشارة... أقول وين الرخصة والتأمين والإستمارة...

هاشم: أخذونا بالدورية.. ورمونا بالتوقيف!.. والخميس راح علينا... ألطف بينا يالطيف!...

مرة أخرى...

هاشم:خلاص إنبصت! دحين ياسعود... مسويلي حريف وأخر ئ إترمينا في التوقيف!....

سعود:ترى والله مايجيبنا! بس أنت إلي قلت لي وقف!..